بی وه‌ک من مه‌و

                            

بێ وه‌ک من مه‌و

که‌فه ڕێ

گه‌یده چه‌مێ

بۆسه!

چاو بگه‌رنه

پرده‌گه بۆزه‌و

مه‌ێه‌له ئاو

بۆ ئه‌وه بیژێ ئه‌تانم؛

خو ماینێد نیه

کی دێ ماین سوواره، بیره‌و که؟

ئاخه، خاڵو رێوار

ئه‌ێده ئه‌ی ئاو پان و قۊوله

بۆ ئه‌وه بیژن ئه‌تانی؟

له‌یه دراتێ

له‌و یه‌که چه؟

ئه‌و دانه‌گه‌یتر چه؟

بێ وه‌ک من مه‌و!

گه‌ره‌کده که‌فیده ڕێ

بزا ئه‌چی به‌ره‌و کۊ.

مه‌گه‌ر له‌و وه‌ر چه‌مه‌گه کی ته‌ماێرده؟

خاس بیره‌و که،

بێ وه‌ک من مه‌و!

رۆژی گوچکه‌م له بڕیگه‌وێ

باس خاڵو رێوارۊگۊێ

وا بێ ماین

داۊله ئاو چه‌مێ،

هه‌ر ئه‌یه!

دۊیای ئه‌وه چه؟

دۊیای ئه‌وه ...

هه‌ر

کوڵه ئه‌ته‌کنم

بزانم بۆ ئه‌ی خاڵو رێواره

هه‌ر ده‌م ئه‌تقنن!

بێ وه‌ک من مه‌و.

 

حه‌سه‌ن مو‌حه‌مه‌دی