چه‌ن گورانی ئه‌ی ناوچه
کلیل هاوه در قولف یغانه‌وه
سه‌روین ها به‌لای ژن کورسانه‌وه
***
بالد به‌رزه‌و که بمه ژیر بالد
ئه‌گر ئه‌م کوژی خوینم حلاله
به‌و حلال‌وایی ده‌سد بگردام
گدایی شاره‌گان بو تو بکردام
***
که‌م بی که‌م بچو که‌م بلاله‌وه
دریا بشکنه بی یه ماله‌وه
***
مه‌ردم گدای مالن من گدای دووسم
دل خوشیه‌گم چه‌س له‌ی ولاته بووسم
مه‌ردم هانه شون مال و مالداری
من ولم له شون عه‌شقی دلدارم
***
پرسیم له دار بوچه ئه‌ونه برزی
ریشه‌م ها له ئاو سه‌رم ها سه‌وزی
***
سه‌روین به‌ستگه کلن له ده‌وری
تی وله‌گی وه‌ک مانگ خستگه ژیر هوری 1
***
کرماشان شاره و کرگ ئاوا پووسه 2
ژنه‌گان سه قز سه‌ر چاوکه‌ی رووسه
***
بی به نه‌وکه‌ر ئایسه ره‌جالم
تالب سه‌ر فتره و ئگریجه و خالم 3
***
فره حه‌ز کردم وه‌ی جه‌سه که‌فتی 4
بی ماره و ته‌لاق بیوه‌ژن که‌فتی
***
خوه‌زومه خوه‌دان خوش وه‌هاله‌دان
ئه‌و کچه وه پای خوی تی وه مال‌دان
***
به‌ر مال و پشت مال به‌ن له بالم بری
چاو‌یه‌ل سویبه ئاه له پام بری
***
من چه‌پکه‌م له ده‌س ئه‌و خودا پی داگه
له لای دووسه‌گم پای داکیشیاگه
***
خه‌ل له خه‌رمان، کوله‌ش له باقه
له سه‌ر ماچه‌گد کریامه فلاقه
***
باران ئه‌واری نم‌نم دای داگه
ئگریجه‌ی له بان گوونای ده‌ق داگه
***
ئه‌ونه نواڕیم به و چاو که‌ژاله 5
خوزگم به‌و که‌سه شه‌و له لاده
***
بالاگه‌د به‌رزه وه‌ک چه‌نار له چه‌م
رنگد زه‌رده وه‌ک چیتی به‌غم 6
***
هه‌ر وه‌ک بازوبه‌ن بکه‌مه بالم
هیچ دام هه‌ر دووری هاوه مالم
***
وه به‌رزی بالاد تویلی بوڕم
ناوه خوشه‌گد له کو وه بچڕم
***
نازانم راسه یا خه‌و ئه‌وینم
که‌ژاوه‌ی له‌یلی هاتیه سه‌رینم
***
ماله‌گه‌ی باوکد ها له په‌ڕه‌وه
دایه‌مه هاله ده‌م خه‌یر و شه‌ڕه وه
***
1- ده‌زمال سه‌ر سوور ، شه‌گه 2- ناو دی‌هاته له ناوچه‌ی سنه 3- ده‌سه زلفی کج 4- شوی مرده‌ی 5- تمشا 6- جوری پارچه‌ی زه‌رد
حه‌سه‌ن موحه‌مه‌دی
اکبر