ماڵ منالی/ حه‌سه‌ن موحه‌مه‌دی

  

«ماڵ مناڵی»

له‌و په‌ڕ ئاوایه‌و ماڵیگ ئه‌گاده چاو،

ئه‌ینۊده‌ی؟

گۆردی داسکنه

بزانین باوکم ها کۊ؟

ئیسه ئه‌یشی له سۊچیگا خه‌ریک سه‌ره‌مۆره بۊد

ئه‌ژنه‌فی؟

باوک جوانی ئه‌ڵاونده‌و.

داخ ئه‌و مایین سوار لێ‌ که‌فتێه خوه‌ش ناکا

ئه‌ژنه‌فی چه قه‌تاره خوه‌نیگه؟

ئیواره‌یگ هیلاک و شه‌که‌ت

له دره‌و تێده‌و

خه‌فتن هه‌ر ئه‌وه‌و چاو نه‌کردنه‌وه هه‌ر ئه‌وه.

ئه‌مێنێده دایک ناحمی و سێ‌ کورپه و عومری مه‌ینه‌تی.

له‌ی ئاوایه

له هه‌ر ما‌ڵیگا

ده‌نگ سه‌ره‌مۆر وه‌ک دۊکه‌ڵ ته‌نیۊر ئه‌چی به‌ره‌و ئاسمان

ئه‌ژنه‌فی؟

هه‌ر ئه‌وتی با ماڵ مناڵید بۊنم...

ئایسه ماڵ مناڵیه‌گه‌م دید؟

پف که پێا با بقوژێده‌و!