کورده‌واری

گویش و ادبیات کردهای منطقه قروه- کوردی ناوچه‌ی قوروه

کورده‌واری

گویش و ادبیات کردهای منطقه قروه- کوردی ناوچه‌ی قوروه

کورده‌واری

گویش و ادبیات کردهای منطقه قروه مهجور مانده و از کتابت دور شده است. این وبلاگ شاید آغازی باشد برای پرداختن به این مهم و ثبت رسوم و سنن و شعرهایی که در حال فراموشی است. امیدواریم علاقمندان ما را در این کار یاری فرمایند.
https://telegram.me/kurdawary_ghorwa

۱۱ مطلب در شهریور ۱۳۹۵ ثبت شده است


باڵ    

باڵ

باڵ    

باڵ

باڵ    

باڵ

باڵ...    

ئەی دیوارە چەنی بەرزە

فەرە تەقالا دامە

ناتانم کەمە ئەودیەو

وازانم دی دێرە

ئەشیا زۊتر لە فکری بۊام

ئەیژم:

با یەی دەف تر باڵ بگرم

باڵ

باڵ

باڵ...

ئای

مردم 

شەکەت بۊم 

با بمێنێ

بوو دەفەی تر ...

                                        فەردین شەریف نیا- قوروە

۲ نظر موافقین ۱ مخالفین ۰ ۲۹ شهریور ۹۵ ، ۲۰:۴۱
گروه نویسندگان

وە هەرکەسی گیان وتمە 

دوژمەنێ گیانم ئەوەسە

دوژمەنگم بەختی خوەمە

ئەیسە عەیان بۊە وە من


هەڵگەڕانەوە: فەردین شەریف نیا

۲ نظر موافقین ۰ مخالفین ۰ ۲۶ شهریور ۹۵ ، ۱۳:۳۶
گروه نویسندگان


هرمان هسه: ئه‌گر گه‌ره‌‌کێت بۊد دوو که‌وریشک بۆری، هه‌ر دوو یان ده‌ر ئه‌چن.

کنفوسیوس: پیاگ گه‌وره‌ وه‌ خو‌ه‌ی سه‌خت ئه‌ورێت و پیاگ بۊچک وه ئه‌ی یه‌که و ئه‌و یه‌که.


حه‌سه‌ن موحه‌مه‌دی


۳ نظر موافقین ۱ مخالفین ۰ ۲۵ شهریور ۹۵ ، ۲۰:۲۷
گروه نویسندگان

                                                

« تا که‌ێ خه‌فه‌ت ئه‌وه بۆخوه‌م هه‌سێم یا نه؛

هه‌ر‌ وایش ئۆمر وه خوه‌شی بڕانم یا نه؛

پر که پیاڵه شه‌راوه‌گه، که پێم دیار نیه

وا ئه‌ێ نه‌فه‌سه ئه‌کیشم تێده ده‌یشت یا نه»


حه‌سه‌ن موحه‌مه‌دی

۴ نظر موافقین ۱ مخالفین ۰ ۲۵ شهریور ۹۵ ، ۲۰:۰۷
گروه نویسندگان

کار تاوسان خوەیانی تواو کرد و له ئاوای قەڵاچەوە چــۊ بوو چومغولی کە درەو کا. کایاره لە پای زاخەیک دانیشت دا مەردم له کار بێنەو  و بێنە بان زاخەکان بزانێ کی کارگەری گەرەکە؟ لەی ئانه گاگەل هات. تەکانی دا  و هەڵسیا له ناو ڕیەگە  لا چێت; مانگایک داچەڵەکیا و سوڵی کردەو کەفتە ناو زاخە کونیک و تلیشیا کایاره وتی:"ڕووژم ڕەش بێت جاچەپکەم؟" لەی ئانه چاوی ئه کەفێته درگای تەپاڵدانی, ڕائەکا ناو تەپاڵدان و خوەی ئەشارێتەو. له شەکەتیا لە ناو تەپاڵدان خەوی ئەوادەو.  سوح زۊ ژن ماڵەگە تێ بوو تەپاڵە. ناخافل کایاره ئەوێنی ,ئەقیژنێت و لە هووش خوەی ئەچێت. کایاره  تەماشا ئەکا چ پەنی ڕیشی گردوه  سەروێن ئەدا بەر دەمیا با نەیناسن و ڕێ ئاوای خەسراوا ئەگرێتە بەر. لە ڕێا هەر لە بەدبەختی خوەی بیرئەکادەو. ئەگەیدە ڕێواری کە لە ئاوای خەسراوەوه دووشاو تێرێ له چومغولی بیفرووشێ. ڕێوار بارە دووشاوەگەی لار ئەوێتەو وە زوان گەڕووسی ئەیژی :"یاخوا وە خەیر بیای, یارییم به ئای بارەگە ڕاسەو کەیم:" یاری ڕێوار ئەدا و هەر ها بیر مانگاکه و ژنەگە. یەک دەفە ڕێوار  گورێسەگه فڕە ئەدا , کا یارە بارەگە بوەسێ. کایارە ناو فکرا ئەوێ  لە خوایە ئەدا لێ. ئەترسێ دووشاو لە دەسی دا ئەکەفێ و ئەڕژێ. ڕێوار ئەیژێ:“ئەی خودا ئەرات نەسازنێ:" چکی ئەنێتە شوون کایارەوە . دا ئەگەڕێتەو کەرەگە باقی دووشاوەگە ئەڕژنێ. کایاره تێده لێو چەمەگەی خەسراوە وە ژنیگ  ئەیژێ : خوەشکە برا! ئاو کاسه بە چکی ئاو بخوەم:" ژن ئەیژێ  :" براگەم ئەرا ئەقورە ئارەق کردیت؟ :"کایارە ئەیژی کارگەرم هاتمە بوو کرێکاری. ژن ئەیژێ :" بەو بچیمه ماڵ ئیمە کارگەر خوازین:" کایاره ئەچێته ماڵ و ژنەگە نان و چای ئەدا پێ . ئەپرسێ  بەس شۊەکەت ها کوی ؟

ـــــــــ چیوه ئەرای چوخملی دۊشاو بفروشێ:"

کایاره  لە دڵ خوەیەو ئەیژێ ئای هاوار وە ڕووژم ماڵ دوشاو فرووشەگەس! دا تێدە خوەێا دووشاو فرووش تێدە بەر ماڵ. ژڹەگەی ئەیژی :"خاس زۊ فریەتیدەی:" کاورا چاوی ئەکەفێدە کایارە ئەیژێ:" چەقووی بیارە توای بکوشمەی:" دواێ چکی مڕو مشت , ژن پیاگ دائەساکنێ و قەرار ئەنن کایارە بوو ئەوان کار بکا. بەینی کار ئەکا بوویان  ,ئاڵف ئاو  حەیوانەگانیان ئەکا و درەو ئەکا. گایگیان ئەکەفێتە نەخوەش , کایاره گ شەوی و چرا مووشیگەو ئەچێ سەری ئەدا کە ئەگەر گاگە حاڵی خراو بێت بیگەینێدە چەقوو. شەوی کەرەگەیان تەنافەگە ئەپێچێته پایەو ئەکەفێ.زرمه تێت، کایارە و خەیاڵ گاگەوە دەرئەچ بوو گەوڕ,ئەونە هەوڵ ئەویت چرا ناوا ,دەس تیرێده مل گاگە کەفتگە و پەلەقاژه ئەکا , فەوری سەری ئەوڕێ. قاو ئەکا لە ساحێو ماڵ کە " گاگە حاڵی خراوو بوو وه حاڵ خراو گەیانمه چەقوو:" ئەوانیش چرائەوەن و ئەچنە گەوڕ چ کایارە کەرەگەی سەر بڕیوه. هاورداد ساحێو ماڵ ئەژنەفێ ,خوەی ئەزانێ چ پەنیکی داگە. لەو پا بێ ئەوە  قرانی بسەنێ ڕائەکادەو بوو قەڵاچه    

کەیومەرس گەڕووسی.

۳ نظر موافقین ۰ مخالفین ۰ ۱۶ شهریور ۹۵ ، ۱۷:۲۳
گروه نویسندگان


دەم بەیانی

قەلاییک

قاڕەقاڕ دانیاۊ

دایکم

هەر ئە هات و ئەچۊا و دەنگیەهات

خاس گوێچکە تەکانم 

دیم ئەیژێ:

خوا خەیری کا

ئەی قەشقە

واز نەتێرێ...

ئەو ڕووژە

بێ خەوەر خراوێ

خوەر 

ماڵاوایی کرد

                               فەردین شەریف نیا -قوروە

۲ نظر موافقین ۰ مخالفین ۰ ۱۱ شهریور ۹۵ ، ۱۶:۲۵
گروه نویسندگان


بۊمە ئاینەیگ 

ئاینەیگ بوو سەێاگان.



هاواری هەورەتریشقە و گوڵی سۊر و

شەیهەی شەهابی هەورەتریشقە

لە ناو من وە ڕەنگ هەمهەمە جەریانی هەس


بۊمە ئاینەیگ

ئاینەیگ بوو سەێاگان

ئەورە تواشا کە

هاواری مناڵەیڵ برسی, لە بووی اودکولون


بەلێ ژنەفتەنییە تواشاکەن:

                                           هاوار مناڵەگان.


لەولاوەو, وە ئەزای ساکت گوڵبەڵگگان هەڵکردێە

ئاوازی هەنجەرەی خوێنی پاییز



بۊمە ئاینەیگ 

ئاینەیگ بوو سەێاگان.

              هەڵگڕانن: فەردین شەریف نیا- قوروە

۲ نظر موافقین ۰ مخالفین ۰ ۰۹ شهریور ۹۵ ، ۲۳:۴۹
گروه نویسندگان

من نازانم

بۆچه ئه‌یژن ئه‌سب حه‌یوان نه‌جیبیگه

که‌موته‌ر قه‌شه‌نگه

بۆچه له ناو قه‌فه‌س هیچکه که‌رکه‌س نیه

گۆل شه‌وه‌ر چه که‌میگی هه‌س له لاله‌ی سۊر

چاوه‌گانمان ئه‌یشی بشورین جوریترئه‌یشی تماشا که‌ین

واژه‌گان بشورین ئه‌یشی

واژه ئه‌یشی با بۊد

واژه ئه‌یشی باران بۊد

چه‌تره‌گان بووه‌سین ئه‌یشی

بچینه ژیر باران

فکر و بیر بووه‌ینه ژیر باران ئه‌یشی

ته‌ک تواوو خه‌لک شار بچینه ژیر باران ئه‌یشی

دووس له ژیر باران ئه‌یشی بۊنین

عێشق له ژیر باران ئه‌یشی بۆزینه‌و ...


هه‌ڵگه‌ڕانه‌وه وه کوردی ناوچه قوروه: حه‌سه‌ن موحه‌مه‌دی

۴ نظر موافقین ۱ مخالفین ۰ ۰۹ شهریور ۹۵ ، ۲۱:۰۷
گروه نویسندگان


په‌ڕه‌یگ له چیرۆک شازده بۊچکه‌ڵه"


شازده کوچولو : دنبال آدم‌ ها کجا بگردم ؟
روباه : تو تخت خوابشون ، کنج غم هاشون
شازده کوچولو : هنوز سرگردون ریشه‌ هاشون هستند ؟
روباه : هستند .. جمعه‌ ها بیشتر
شازده کوچولو : آدم‌ ها همدیگر را دارند ؟!
روباه : در حقیقت آدم‌ ها هیچ کس را ندارند ، این را آدم روزهای جمعه
از جاهای خالی‌ آن هایی که باید باشند و نیستند ، می فهمد
شازده کوچولو : دلم غروب آفتاب می‌‌ خواهد
روباه : کاش روز دیگری آمده بودی ، غروب‌ های جمعه آدم‌ ها را می‌ کشد
چه رسد به تو که از یک سیاره ی دیگری آمده ای ...
شازده کوچولو : اوووه پس برای تو هر روز جمعه است . تو چرا تنهایی روباه ؟
روباه : من زیرکم ، تنها که باشی‌ ، ترک هم نمی‌‌ شوی !
حالا هم تا دلت نگرفته فرار کن به شنبه ، یا برگرد به پنج شنبه ... به گمانم به خاطر جمعه‌ ها است
که ما هیچ شازده کوچولویی در بین خودمان نداریم ...

شازده بۊچکه‌ڵه: له کوێ وه شوون بنیاوه‌مه‌کان بگه‌ڕم؟

ڕۊ: له ناو جیه (جی خه‌و)  و له ناو خه‌م و خه‌فه‌ته‌کانیان

ش:ئایسه‌یش هانه شوون ڕه‌گ و ڕیشه‌کانیان؟

ڕ: هه‌ن . جوحمانه زیاتر!

ش: بنیاده‌مه‌کان هانه دم یه‌که‌و. یه‌کترییان هه‌س.

ڕ: وه ڕاسی هیچ‌که‌سیان نییه. ئه‌یه ڕووژان جوحمه خاستر ئه‌زانی.  وه‌ختی تماشای جی خالی ئه‌وانه ئه‌که‌ن وا ئه‌شی بوون،  وه‌لی نیین!

ڕ: حه‌ز ئه‌که‌م خوه‌ر بنیشێ(ئیواره بۊا)

ڕ: کاشکا زۊتر باتای،  ئیواره‌ی جوحمه بنیاده‌م ئه‌کوژێ،  دا بگه‌یته تو که له سه‌یاره‌یتره‌و هاتیده.

ش:ئه‌یهوو..،  به‌س بوو تو گ ڕووژی جوحمه‌س .بووچ ته‌نیای؟

ڕ: له زیره‌کیمه. . ته‌نیا بۊت،  هیچ که‌س ته‌رکت ناکات!  تویش دا دڵت دانه‌گیریاوه ڕاکه به‌ره و شه‌مه یا په‌نج‌شه‌مه

. .... وازانم به خاترجوحمه‌گانه وا هیچ شازده بۊچکه‌ڵه‌یگ له به‌ینمانا نییه.!

که‌یوومه‌رس گه‌ڕووسی

۱ نظر موافقین ۱ مخالفین ۰ ۰۷ شهریور ۹۵ ، ۱۳:۲۱
گروه نویسندگان

شیعره‌کانم

بوون به‌گوڵ و

که‌نیشکه‌کانی ئه‌مشاره‌، چه‌پک چه‌پک

کردیان به‌ هه‌دیه‌ی دڵداری

به‌ڵام هه‌رگیز کچیَ نه‌هات

بڵیَ جه‌لال:

ئه‌ی خۆت بۆ هیَنده‌ خه‌مباری؟!
۲ نظر موافقین ۱ مخالفین ۰ ۰۴ شهریور ۹۵ ، ۲۰:۵۲
گروه نویسندگان

 له خه یالم دا 

دنیایکم ئه وی:

ماسیه کان تیدا

به بی "ئاو"!

به بی "هوا"

هه ر به هیوا بژین...

                                 په شیو

۲ نظر موافقین ۱ مخالفین ۰ ۰۱ شهریور ۹۵ ، ۱۹:۳۱
گروه نویسندگان